Пойыздардың соқтығысуы салдарынан 280 адам қаза тапты (фото)

Үндістанның Одиша штатында екі жолаушы пойызы мен бір жүк пойызының соқтығысуы салдарынан 280 адам қаза тауып, 900-ден астам адам жарақат алды.

«Жұма күні орын алға апаттан кемінде 280 адам қаза тапты», - деп хабарлады India Today.

Agence France-Presse бұған дейін пойыз апатынан кемінде 80 адам қаза тауып, тағы 850 адам жараланғанын хабарлаған.

UPD: Reuters кейінірек қаза тапқандар саны 207-ге жеткенін хабарлады.

Пойыздардың соқтығысуы жұма күні жергілікті уақыт бойынша 19:20 (Астана уақыты бойынша 19:50) шамасында Үндістанның Баласоре қаласына жақын жерде болды. Теміржол органдарының мәліметінше, Калькутадан Ченнайға бара жатқан жолаушылар пойызының 10 немесе 12 вагоны жүк пойызымен соқтығысуы салдарынан рельстен шығып кетіп, қарсы жолға құлаған. Біраз уақыттан кейін оларға тағы бір жолаушылар пойызы соғылып, нәтижесінде адамдары бар тағы үш-төрт вагон рельстен шығып кеткен.

Одишаның бас министрі Навин Патнаик апат орнына мемлекеттік өрт сөндіру бөлімінің бастығы Судханшу Саранги басқаратын құтқару операциясын бақылау үшін келді. Табиғи апаттардың салдарын жою жөніндегі ұлттық күштердің жүзден астам қызметкері мен олардың штаттық әріптестері зардап шеккендерді іздеу операциясына қатысуда. Көптеген жолаушылар аударылған пойыз вагондарының астында қалуы мүмкін. Құтқару жұмыстары күннің қараңғы мезгіліне байланысты қиындап кетті.