Сыныптастары Тоқаев туралы естеліктерін айтты

Алматыдағы №25 мектеп туралы «Түлектер. Уақыт капсуласы» деректі фильмі  жарыққа шықты. 

Фильмде мектеп түлектерінің, сондай-ақ Қасым-Жомарт Тоқаевтың сыныптастарының естеліктері айтылады. Қазақстанның болашақ Президентінің сыныптастары оның бала кезінен өте сабырлы болғанын айтады.

Ол сыпайы болды, бәрін сыйлайтын, ешкімді ренжітпейтін. Онымен сөйлесу әрқашан өте жағымды болатын. Тақтада біреу жауап бергенде, өте мұқият тыңдайтын. Ол басқаларды қатты уайымдап жүретін. Әрқашан адамдарға қамқорлықпен қарайтын, - дейді Земфира Шахова, Майя Каплан және т.б.

Андрей Антоненконың айтуынша, Қасым-Жомарт Тоқаев әрқашан дипломат болған.

Егер қандай да бір дау туындаса, оның бәрін бейбіт жолмен шешуге қабілеті бар еді... (Бірде көшеде бір оқиға болды). Біз үшеуміз, ал олар төртеу еді. Қалыптасып қалған қағидаға сай олар «жігіттер, темекі бар ма?» деп бастады. Біз шекпейтінбіз. Артынша Жомарт сөйлей бастады. Бір сәтте біреуі тиісіп бастады. Бірақ біз де, әлгі жігіттер де оңбай таяқ жеді. Жомарттың соққылары қатты болатын. Ол үстел теннисімен айналысатын, - деп есіне алды Андрей Антоненко төбелес кезін.

Фильмде Президенттің курстастары Қасым-Жомарт Тоқаев пен екі курстасын Мәскеуге оқуға шығарып салу туралы естеліктерін де айтты.

Біз жиналып, бір бөтелке шампан алдық. Алаңның жанында ескі әуежайдың ғимаратын бөліп тұрған қоршау бар еді. Біз сол жерге бардық. Бір бөтелке шампан, кішігірім стақандар әкеліп, шампанды ашып, бәріміз іштік. Кейін ол ұшаққа отырып, кетті. Содан бері әрқайсысымызда басқа өмір басталды, - дейді Вячеслав Константинов.

Деректі фильм президент түскен бірегей кадрларды қамтиды. Фильм соңында бір топ сыныптастары Президентті мерейтойымен құттықтайды.

2024 жылы мектепке 100 жыл толады. Қасым-Жомарт Тоқаев оқыған сыныптың достастығы мықты еді. Аттестат беру кітабын қарадық, менде ведомства бар. 18 алтын медаль, оқу үлгерімі қандай болғанын елестетіңізші, - дейді мектеп директоры Ғазиза Оманбай.