Абай облысындағы өртті сөндіруге 300-ден астам адам, 4 тікұшақ тартылды

Абай облысындағы өртті сөндіру жалғасуда. Мемлекеттік өртке қарсы қызмет органдарының күштері мен құралдары орман шаруашылығына өртті жоюға жәрдемдесуде.

Абай облысында өрт 2 мың га аумақты шарпыды. Тілсіз жау салдарынан үш ауыл тұрғындары эвакуацияланды. Орман өртін сөндіруге 300-ден астам адам, Төтенше жағдайлар министрлігінің 70 техникасы және 4 тікұшақ жұмылдырылған.

Тікұшақпен өрт ошақтарына су себу жалғасып жатыр. Қазірдің өзінде шамамен 30 тонна су себілген.

Қазір Бородулиха ауылындағы мектеп және колледжде эвакуациялық пунктер жұмыс істеп тұр.