БҚО-да көлікке жылқы соғып, бір адам қаза тапты

БҚО-да жылқы мен жеңіл көлік соқтығысып, бір адам қаза тапты, деп хабарлайды Bugin.kz порталы polisia.kz сайтына сілтеме жасап.

Бүгін таңертең 05:20 шамасында Казталов аудандық полиция бөлімшесіне Казталовка-Жәнібек автожолының 18 шақырымында жол апаты болғаны туралы хабарлама түсті. Lada-2110 автокөлігінің жүргізушісі жылқымен соқтығысқан.

Cалдарынан 30 жастағы жүргізуші оқиға орнында көз жұмды.

ҚР қылмыстық кодексі 345-бабының 3-бөлігі бойынша сотқа дейінгі тергеу амалдары басталды.

"Полиция қызметкерлері жылқының иесін анықтап, тапты. Ол Казталов ауданына қарасты Бірік ауылының 35 жастағы тұрғыны. Оған қатысты ҚР ӘҚБтК 408-бабы бойынша әкімшілік хаттама толтырылды" делінген хабарламада.

Бұдан басқа, қазір жылқы иесіне қатысты шешім қабылдау бойынша ветеринариялық инспекцияға жіберу үшін ҚР ӘҚБтК 406-бабы бойынша материал жиналақталады.