Ақтөбеде жасөспірім суға батып қаза тапты

Ақтөбе облысында Елек өзеніне барған 15 жастағы бала суға кетіп қалды, деп хабарлайды Bugin.kz порталы inbusiness.kz сайтына сілтеме жасап.

Құтқару қызметіне сағат 18-55-те хабарлама түскен. Мектеп оқушысының денесін сүңгуірлер 3 метр тереңдіктен алып шықты. Жағадан 50 метр қашықтықтан тапқан.

Ақтөбе облыстық төтенше жағдайлар департаментіндегілердің айтуынша, бала суға түсуге рұқсат етілмеген жерде шомылған. 

Жыл басынан бері  Ақтөбе облысы аумағындағы өзен-көлдерде 8 адам суға кетіп қайтыс болды.Оның арасында бесеуі - бала. 

Ақтөбеде судағы демалыс орындары жұмысын 1 маусымда бастады. 67 нысанның 44-і - коммуналдық. 

Бұған дейін Бурабайда суретке түспек болған әйел таудан құлап мерт болғанын жазған едік.