Алматы облысында білім бөлімінің есепшісі асылып қалған

Алматы облысында аудандық білім бөлімінің есепшісі суицид жасады, деп хабарлайды Bugin.kz  порталы Tengrinews.kz сайтына сілтеме жасап.

Өңірлік полиция департаментінің мәліметінше, Жамбыл аудандық білім бөлімінің 43 жастағы қызметкерінің қайтыс болғаны туралы 7 маусымда белгілі болған.

"Аудандық полиция бөліміне 43 жастағы әйел асылып, өзіне қол жұмсағаны туралы хабарлама түсті", - деп түсіндірді ведомство.

Аталған дерек Қылмыстық кодекстің 105-бабы 1-бөлігі бойынша тіркелді. Қазіргі уақытта қажетті сараптамалар тағайындалып, жедел-іздестіру шаралары жүргізіліп жатыр.