"127 миллион теңге": Қазақстандықтар Абай облысына жинаған қаржы қалай жұмсалуда?

Ұлттық волонтерлік желі Абай ауданындағы өртке байланысты қазақстандықтардың арқасында жиналған қаржылай қолдау көлемі туралы хабарлады.
Tengrinews.kz басылымына Ұлттық еріктілер желісінің атқарушы директоры Татьяна Миронюк атап өткендей, соңғы мәліметтер бойынша қазірдің өзінде 127 миллион теңгеден астам қаражат жиналған.
⠀
"Сіздердің қолдауларыңыздың арқасында 127 630 046 теңге жиналды, жұмсалған қаражаттың барлығы қолма-қол емес жағдайда жіберілді, осыған байланысты келісімдер кешігуде. Ұлттық еріктілер желісі қаражат жинауға атсалысқандардың барлығына шексіз алғысын білдіреді. Сіздердің көмектеріңіз бен немқұрайлы қарамағандарыңыз әлемнің жақсы адамдарсыз емес екенін тағы да дәлелдейді. Қайырымдылық жасаған әрбір адам өз өмірінде міндетті түрде жақсы марапатқа ие болады деп сенеміз", - делінген ұйым таратқан хабарламада.
⠀
Сондай-ақ ұйым қаржының қандай бөлігінің жұмсалғанын да хабарлады.
• Азық-түлік жеткізу үшін 4000 литр бензин сатып алу – 800 мың теңге жұмсалды;
• ЗИЛ автокөлігі мен өрт сөндіру автокөліктерінің қосалқы бөлшектерін сатып алуға – 78 205 теңге жұмсалды;
• Жабдықтарды сатып алу: кабель, пауэрбанк және т.б. (құтқарушылар мен эвакуацияланушыларға қажет) – 205 036 теңге;
• Провизияларды сатып алу және қамтамасыз ету – 3 млн.теңге
Сондай-ақ қаражаттың тағы бір бөлігі дәрі-дәрмекке жұмсалды.