Астанада төрт жасар қызды ұрлап кеткен ресейлік ер адам ұсталды

Астанада қарағандылық әйелдің төрт жасар қызын ұрлап алып кеткен ресейлік ұсталды.

Қарағанды полициясына 25 жастағы тұрғыны жүгініп, бұрынғы сүйіктісі төрт жасар қызын көлікпен ұрлап кеткенін айтты. Айтуынша, ол – Ресейдің 34 жастағы азаматы.

Бұл факт ҚК 125-бабының екінші бөлігі "Кәмелетке толмаған адамға қатысты адам ұрлау" бойынша орталық ББ СДТБТ-да тіркелген.

13 маусымда кешенді жедел-іздестіру іс-шаралары барысында Қарағанды облысы ПД ұйымдасқан қылмысқа қарсы күрес басқармасының және Астанадағы oрталық ПБ криминалдық полициясының қызметкерлері ер адамды ұстады.

"Ұрланған қыз анасына берілді. Тергеу амалдары жүргізілуде", – деп хабарлады полиция.