Түстер психологиясы жайлы білесіз бе?

Жалпы әлемде 100 миллионнан аса түс бар. Оның ішінде негізгісі - көк, қызыл, жасыл түстер. Ал, басқалары осы түстердің қосындысынан шығады. Осыншама түстер күнделікті қолданыстан бөлек, адам психологиясына да әсер ететінін білесіз бе?

Әр түстің өзіне тән оң және теріс жақтары болады. Ендеше негізгі түстерге тоқталып өтейік.

Көк түс - көпшіліктің сүйікті түсі, адамға тыныштық сыйлайды, сенімділікті артырады. Сонымен қатар қорқыныш пен мазасыздықты азайтады. Көңіліңізе тыныштық

Жағымды әсері:

• Көңілге тыныштық сыйлайды;
• Көп жағдайда адалдықтың символын білдіреді;
• Өзіңізге деген сенімділік ұялатады;
• Ішкі жан дүниеңізге тәуелсіздік сыйлайды.

Жағымсыз әсері:

• Қолданыста тым қарапайым;
• Депрессияны сипаттайды.

Сары түс логикаға өте жақсы әсер етеді. Қызыл түс сияқты көзге бірден түсетін жарқын эмоциялы түстердің бірі. Егер белгілі бір ортада өзіңізге назар аудартқыңыз келсе, бұл түс сізге көмектеседі.

Жағымды жақтары:

• Позитив сыйлайды:
• Шынайылықты көрсетеді:
• Іскерлік өмірде сәтті түс болып саналады:
• Ішкі көңіл-күйге жылу береді.

Жағымсыз жақтары:

• Негативті жағдайда ашу туғызады;
• Көп адамға мазасыздық, қобалжу сезімдерін туғызады;
• Жүйкеге қатты әсер ететін түстердің бірі болып саналады;

Қызыл түс - бірден көзге түсетін түстердің бірі. Бұл түс күшті эмоциялар сыйлайды. Өзіңізге тез назар аудартады. Көбіне ескерту белгілері үшін қолданылады.

Жағымды жақтары:

• Адамға энергия сыйлайтын түстердің бірі;
• Батылдық сыйлайды;
• Күш береді;
• Махаббаттың символы.

Жағымсыз жақтары:

• Қауіп сезімін күшейтеді;.
• Кей жағдайда негатив пен ашу шақырады.

Жасыл түс – оң нәтижемен яғни позитивпен байланысты. Жасыл түс сізге жылы энергия мен жарқын көңіл күй сыйлайды. Бұл түс табиғатпен де, ақшамен де тығыз байланысты.

Жағымды жақтары:

• Ісекрлік бағытта өсуге жол ашады;
• Адамның жан дүниесіне гармония сыйлайды;
• Денсаулық саласында сәттілік әкелетін түстердің бірі.

Жағымсыз жақтары:

• Қызғаныш тудырады;
• Зерігуге алып келеді.

Сарғылт түс - қуатты түс деп саналады. Егер сіз шығармашылық тұлға болсаңыз, бұл түс сізге жарқын идеялар беруге көмектеседі.

Жағымды жақтары:

• Өзіңізге деген сенімділік тудырады;
• Батылдық сыйлайды;
• Жаңа идеялар тудыратын түстердің бірі.

Жағымсыз  жақтары:

• Шыдамсыздық туғызады.

Қара түс - талғамның символы. Егер белгілі бір ортада өзіңізді жоғары әрі сенімді ұстағыңыз келсе, қара түс сізге көмектеседі. Бірақ бұл түс эмоциялы тұрғыда қайғымен байланысты.

Жағымды жақтары:

• Адам бойындағы күшті көрсетеді;
• Жайлылық сыйлайды;
• Сенімділік береді.

Теріс жақтары:

• Қайғылы жағдайларда жиі қолданылады.

​​​​​​​Сағыныш Нұрахметова