Құшақтасудың адам денсаулығына тигізер 5 пайдасы

Ғалымдар ұзақ уақыт бойы құшақтамаса, балалар қалыпты дами алмайтынын дәлелдеді. Ал жалпы тактильді байланыс – бұл адамдардың бір-біріне қамқорлығын, сүйіспеншілігін және қолдауын білдірудің ең жақсы тәсілі. Құшақтаудың тағы қандай пайдасы бар? Мақаланы толық оқып шықсаңыз, бұл сұраққа жауап таба аласыз.

Құшақтасу қарым-қатынасты нығайтады. Біріншіден, құшақтаған кезде сөзбен айту қиын нәрсені жеткізуге болады. Екіншіден, құшақтағанда денеде окситоцин гормонының деңгейі жоғарылайды, яғни бұл гормон екі адам арасындағы байланысты нығайтады.

Құшақтау ауруды азайтады. Құшақтау кезінде окситоциннен басқа, белгілі бір анальгетикалық әсері бар эндорфиндер де белсенді түрде өндіріледі. Кем дегенде 20 секундқа созылатын құшақтар осындай емдік әсерге ие екен.

Құшақтау жүрекке пайдалы. Жиі құшақтасып, қол ұстасатын адамдар қысымның жоғарылауынан жиі зардап шекпейтіні дәлелденген. Бұл олардың жүрек-қан тамырлары патологиясының даму қаупін азайтады.

Құшақтау стресс деңгейін төмендетеді. Физикалық байланыс организмдегі кортизол гормонының концентрациясын төмендетеді. Яғни, адамға тынышталу, жүйкені тоқтату және жинақталған шиеленісті жеңілдету оңайырақ болады.

Құшақтассаң, өзіңді бағалай түсесің. Құшақтасу кез келген сөзге қарағанда, қолдаудың жақсы түрі десек болады. Егер адам ренжісе немесе депрессияға ұшыраса, онда оның көңілін көтерудің ең жақсы әдісі - құшақтау.

Тағы бір қызық мәлімет жаза кетейін. Әлемде құшақтасу мерекесі де бар екенін білесіз бе? Бұл айтулы күн 1986 жылы 21 қаңтарда АҚШ-та пайда болды. Содан бері осы дата ұлттық құшақ күні деп аталады. Бірақ идеяның сәтті болғаны соншалық, уақыт өте келе дәстүр бүкіл әлемге таралды. Бұл күні тіпті бейтаныс адамдар бір-бірін құшақтап, әртүрлі флешмобтар жасау әдетке айналған.