Bugin
Әлемдегі ең танымал екі технологиялық миллиардер Илон Маск пен Марк Цукерберг аралас жекпе-жек өнерінің дәстүрлі торында бір-бірімен кездесуге келісті.
Маск Twitter-де Цукербергпен "тордағы жекпе-жекке дайынмын" деп жазды.
Кейіннен Facebook пен Instagram-ның бас компаниясы Meta-ның басшысы Цукерберг Масктың твиттерінің скриншотын жариялап, "қайда кездесетінімізді маған хабарлаңыз" деп жауап қайтарды.
Маск Цукербергтің сұрағына: "Вегастағы Октагон (сегізбұрыш)"деп жауап берді.
Сегізбұрыш - бұл жекпе-жектерді Ultimate Fighting Championship ("Absolute Fighting Championship") ұйымы ұйымдастыратын арнайы қоршалған аренаның атауы ғана. Ол Невада штатының Лас-Вегас қаласында орналасқан.
Осы айдың соңында 52-ге толатын Илон Маск твиттерде: "Менің қосымша керемет әдісім бар, оны "морж" деп атаймын. Бұл кезде мен қарсыласымның үстіне жатып, ештеңе істемеймін" деп жазды.
Ол сондай-ақ твиттерде: "Мен балаларымды анда-санда көтеріп, аспанға лақтырудан басқа жаттығулар жасамаймын" деп жалғастырды.
Ал 39 жастағы Марк Цукерберг аралас жекпе-жекпен ұзақ уақыт айналысқан, тіпті джиу-джитсу турнирлерін жеңіп алған.
Маск пен Цукерберг арасындағы хабарлама бірден вирусқа айналды, көптеген әлеуметтік желі қолданушылары олардың қайсысы жекпе-жекте жеңіп шығатынын талқылауға кірісті.
Болашақ бәсекелестер?
Мета маусым айында Twitter-мен бәсекелесу үшін мәтінге негізделген әлеуметтік желі құруды жоспарлап отырғанын хабарлады. Идея бойынша Meta-ға тиесілі Instagram қолданушылары мәтінге негізделген жаңа әлеуметтік желіде бірден сол аккаунттардың жазылушысы бола алады.
Бұл компанияға Mastodon сияқты орталықтандырылмаған платформалардан абоненттерді тартуға мүмкіндік беруі мүмкін.
Meta өкілі BBC-ге платформаның әзірлену үстінде екенін растады. Теориялық тұрғыдан бұл Масктың Twitter-ін BlueSky немесе Mastodon-қа қарағанда маңыздырақ бәсекелестікке айналдыра алады.
Жансая Олжабек
Қосымшаны жүктеп алыңыз
