Bugin
Солтүстік Қазақстан облысы Ғ.Мүсірепов ауданындағы полиция әкімшілік ғимаратының аумағынан 56 жастағы ер адамның мәйіті табылды, деп хабарлайды Bugin.kz порталы ҚазАқпарат сайтына сілтеме жасап.
Полиция департаментінің хабарлауынша, зорлық-зомбылықпен өлтіру белгілері жоқ.
"Бейнебақылау камералары ер адамның аудандық полиция бөлімінің №2 әкімшілік ғимаратына қарай жолды кесіп өтпек болғанын анықтады. Содан кейін ол өз бетімен ғимарат аумағына барған, кейін оның денесі табылды", - деп хабарлады баспасөз қызметі.
Бұл аумақ күзетілмейді және негізгі полиция ғимаратынан 100 метр қашықтықта орналасқан.
Сотқа дейінгі тергеу жүріп жатыр. Сараптамалар мен қажетті тергеу әрекеттері жүргізілуде. Қызметтік тексеру тағайындалды.
Bugin.kz
Қосымшаны жүктеп алыңыз
