Электронды оқулықтың артықшылықтары қандай?

Қазіргі уақытта электронды оқулық технологиясы туралы көптеген даулар мен әңгімелер бар. Көпшілік бұл электронды ресурсты енгізуді қолдаса, кейбірі қарсы. Сонымен, электронды оқулық дегеніміз не және оның заманауи білім берудегі рөлі қандай?
Электрондық оқулық – оқу курсын білім алушыны өз бетінше оқу мүмкіндігімен қамтамасыз ететін бағдарламалық - әдістемелік кешен. Оқулық теорияны, анықтамалықтарды, зертханалық практикумды, диагностикалық жүйені және басқа ұқсас компоненттерді қамтитын біріктірілген құрал болып табылады. Оқулықтарда білім алушы белгілі бір процестерді бейнелейтін бейнеклиптер де, мәтінді статикалық сызбалар мен диаграммаларды дәстүрлі түрде көрсету ұсынылады. 
Білім беру барысында қазақстандық оқытушылар мен оқушылар TopIQ.kz платформасындағы электронды оқулықтарды пайдалана алады. Аталмыш бағдарлама Қазақстан Республикасы Ғылым және жоғары білім министрлігі бекіткен білім беру стандартына, оқу бағдарламасына, білім мазмұнына сай келеді. Электронды оқулық платформасы барлық пәндер бойынша 1-11 сыныптарға арналған «Оқу материалдарының кітапханасына» біріктірілген. Платформада:
⦁    Аудио;
⦁    Бейне көрініс;
⦁    Диаграммалар;
⦁    Қосымша ақпараттар;
⦁    Тапсырмалар жиыны орнатылған.
Стартап жоба мектепке ауыр сөмке тасымай, ақпаратты онлайн алуға көмектеседі.         

Электрондық басылымдарда әртүрлі ақпараттық технологияларды пайдалану дәстүрлі оқулыққа қарағанда айтарлықтай дидактикалық артықшылықтарымен ерекшеленеді:
⦁    мультимедиялық технология ақпараттың жарқын және көрнекі көрсетілімі бар оқу ортасын жасайды, бұл әсіресе мектеп оқушылары үшін тартымды;
⦁    материалды оқудың жеке схемасын таңдауға болады;
⦁    материалды зерттеу траекториясын қадағалауға және бағыттауға мүмкіндік береді, осылайша кері байланысты қамтамасыз етеді;
⦁    мәтінде шектеусіз басқа материалға сілтемелер бар, оқулықта сабаққа қажетті бейнематериалдардың болуы мұғалімнің сабаққа дайындалуын жеңілдетеді. 
Мен үшін бұл платформа өте ыңғайлы және уақытымды үнемдейтін электронды оқулық. Сондай-ақ электронды оқулықта білім алушы материалды оқып болғаннан кейін бірден тексеруге мүмкіндік беретін бақылау сынақтары бар. Тестілеуден өткеннен кейін білім алушылар өздерінің барлық қателері мен кемшіліктерін бірден көре алады. Мұғалім бұл қателерді де көреді, бұл білім алушылардың қай жерде олқылық бар екенін және неге назар аудару керектігін түсінуге мүмкіндік береді.
Электрондық оқулықтар бағытында тағы бір артықшылығы - қағазға қарағанда салмағы аз. Бұл маңызды көрсеткіш, өйткені біз бәріміз жас ұрпақтың денсаулығын сақтауға тырысамыз.
Кәдімгі оқулықтан электронды нұсқаға көшу процесінің күрделілігі әрбір мұғалімнің бұл жаңалықты тез реттеп, қабылдай алмайтындығына байланысты, бірақ бұл заманауи мұғалімге сонымен қатар, егер қазіргі мектеп оқушыларының «клиптік ойлауын» ескеретін болсақ, онда электрондық оқулықтың сөзсіз артықшылықтарының арқасында оқу процесі мектеп оқушылары үшін ең қызықты және есте қаларлық болады!
Тоқсан ауыз сөздің тобықтай түйіні бала жанының бағбаны – ұстаз үшін де, ауыр сөмке арқалаған оқушы үшін де таптырмас құрылғы болып табылмақ.

Даулетқалиева Жанар Шыңғысқызы