Тұрлыхановтың әскери бөлімнен қашып кеткен ұлы табылды

Қонаев гарнизонының әскери бөлімдерінің бірінен қашып кеткен депутат, спорт ардагері Дәулет Тұрлыхановтың ұлы табылып, қызмет атқаратын орнына жеткізілді. Бұл туралы Bugin.kz порталы ҚазАқпарат сілтеме жасап хабарлайды.

"2023 жылғы 3 шілдеде ішкі істер органдарының қызметкерлері және әскери полицияның әскери қызметшілерімен ұйымдастырылған бірлескен жедел-іздестіру іс-шаралары барысында әскери бөлімді өз еркімен тастап кеткен мерзімді қызметтегі қатардағы жауынгер Б.-ның орналасқан жері анықталды. Әскери қызметші қызмет атқаратын орнына жеткізілді.

Аталған факті бойынша қызметтік тексеріс жүргізілуде", - делінген Қорғаныс министрлігінің мәліметінде.

Кеше Дәулет Тұрлыхановтың ұлы Нұрасыл Болат әскери бөлімнен қашып кеткені жайлы заңгердің хабарлағанын жазған едік.