Павлодарда нөсер жауыннан кейін 5 мың халық жарықсыз отыр

Павлодарда толассыз жауған жаңбыр мен қатты желден жарық сөніп, 5 бағдаршам жұмыс істемей тұр. Бұл туралы Bugin.kz порталы  Павлодар қаласы әкімдігінің ресми сайтына сілтеме жасап хабарлайды.

Тұрғын үй-коммуналдық шаруашылық бөлімінің мәліметінше, ауа райының қолайсыздығына байланысты қазіргі таңда Павлодар қаласында 5 бағдаршам жұмыс істемейді. Апатты жоюмен 2 бригада айналысып жатыр.

Құлаған ағаштарды жинау жұмысына 3 бригада мен 3 мамандандырылған техника  жұмылдырылған. Қалада жаңбыр суын соруға 10-нан астам арнайы техника жұмыс жасап жатыр.

"Сонымен қатар  қазіргі уақытта 5 237 тұтынушы электр қуатынсыз қалды: жеке тұлғалар - 4 986, заңды тұлғалар - 251", - деп хабарлады Павлодар әкімдігі.