Bugin
Батыс Қазақстан облысында болған жол апатынан тағы екі адам мерт болды.
БҚО полиция департаментінің баспасөз қызметі мәліметінше, оқиға 7 шілдеде Бөрлі ауданы аумағында болған.
"Сағат 18.20-да Бөрлі-Ақсай-Жымпиты күре жолының 10-шақырымында 1983 жылғы жүргізуші "ВАЗ-21114" автокөлігімен келе жатып, қарсы бетке шығып кеткен. Содан 1981 жылғы жүргізуші айдап келе жатқан "ВАЗ-21120" автокөлігімен соқтығысқан. Жол апатынан екі жүргізуші оқиға орнында көз жұмды. Үш жолаушы Ақсай қаласындағы орталық аудандық аурухананың хирургиялық бөлімшесіне жеткізілді. Қазіргі кезде оқиғаның мән-жайы анықталып жатыр",- деп хабарлады ведомстводан.
БҚО денсаулық сақтау басқармасы баспасөз қызметінің нақтылауынша, аталған ауруханада жатқан 1989 жылғы ер, 1984 жылғы әйел адамның және 2013 жылғы баланың жағдайы орташа ауыр.
Бұл – бір күнде болған екінші қайғылы оқиға.
Альфия Адамбек
Қосымшаны жүктеп алыңыз
