Батыс Қазақстанда контейнер мен екі автобус жанып кетті

Батыс Қазақстан облысында контейнер мен екі автобус жанып кетті, деп хабарлайды Bugin.kz порталы.

БҚО төтенше жағдайлар департаменті баспасөз қызметінің мәліметіне қарағанда, оқиға 9 шілдеде Бәйтерек ауданы Мичурин ауылында болған.

"Сағат 03.08-де Завод көшесі 14/3-мекенжайында "Восход" ЖШС аумағында автобөлшектері мен темір контейнер (20 шаршы метр) отқа оранды. Сондай-ақ "ПАЗ" маркалы екі автобустан түк қалмады. Оған қоса жалын Митсубиси Кантер автокөлігі базасындағы иінді көтергіш пен "Лада Веста" жеңіл көлігін ішінара шарпыды. Тілсіз жау сағат 03.45-те оқшауланып, 04.08-де ауыздықталды", - деп хабарлады ведомстводан.

Қазіргі кезде өрттің шығу себебі, келтірілген шығын анықталып жатыр.