"Вагнер" сапында қанша қазақстандық қызмет етеді?

Қазақстан Сыртқы істер министрлігі ресми өкілі Айбек Смадияров "Вагнер" жекеменшік әскери компаниясының сапында қанша қазақстандық қызмет ететіні жайлы сұраққа жауап берді.

Смадияров "Вагнердегі" қазақстандықтар жайлы деректерді анықтау процесі Ресей билігінің ресми сұрауларға жауап бермейтіндіктен күрделене түсетінін атап өтті.

"Ресейлік шенеуніктер кімнің қайда екенін білмейтінін айтады, өйткені "Вагнер” жеке компания және олар ақпарат бере алмайды. Біз кімнен ақпарат сұрайтынымызды білмейміз. Біздің барлық ресми сұрауларымыз құқық қорғау органдарына немесе Ресей Федерациясының Сыртқы істер министрлігіне түседі. Олардың әрі қарай адресаты болмайды, өйткені сұрайтын ешкім жоқ", - деді Смадияров.

Ол Ресей билігі жеке әскери компанияға кімдер алынатынын және ақпаратты қалай тексеру керегін білмейтінін атап өтті.

Еске салайық, 24 маусымға қараған түні “Вагнер” ЖӘК басшысы Евгений Пригожин Ресей қорғаныс министрлігін соққы берді деп айыптап, қарулы қақтығыс басталғанын мәлімдеген. Ол науқанның мақсатын "Ресей Қорғаныс министрлігінің басшылығын жауапқа тарту" деп атады. ЖӘК басшысы "Президенттік билік, үкімет, Ішкі істер министрлігі және басқа да құрылымдар Қазақстандағы жұмысты жалғастырады" деп сендірді.