Түркістанда қауіпті жұқпалы аурудан жасөспірім қайтыс болды

Сауран ауданында Конго-Қырым геморрагиялық дертінен 1 жасөспірім қайтыс болды.

Науқас бастапқыда өзінің неден ауырғанын білмей, ауруханаға кеш жеткізілген. Нәтижесінде дәрігерлер баланы аман алып қалудың бар амалын жасағанымен оны құтқару мүмкін болмады.

Сонымен қатар аймақта 1000-ға тарта тұрғынды кене шағып, ауруханаға жүгінген.

Оның ішінде 48 азаматтан аталған ауру белгілері байқалып, сынама алынған. Жағдайы күрделі науқастар 14 күн бойы медициналық бақылауда болды.