Павлодарда тұрғындар уланып жатыр

Павлодарда дүкеннен тауық-гриль мен салат алған алты адам уланып қалды.

Дүкенге қатысты әкімшілік хаттама толтырылып, сотқа жіберілді. Бұл туралы облыстық санитариялық-эпидемиологиялық бақылау департаменті хабарлады. 

" Маусымның басында алты ересек адам бір дүкеннен тауық-гриль, картоп, тұздық, салат, торттар сатып алып, уланып қалған. Тексеріс барысында сауда объектінде бірқатар бұзушылықтар анықталды: тауарды таңбаладағы сәйкессіздік, бактерицидтік шамның болмауы, сауда жабдықтарын уақтылы тазаламау  және тағы басқалар"- дейді департаментте.

Аталған сауда объектіге тиісті хаттама толтырылып, материалдар сотқа берілді. Қазіргі уақытта іс қаралып жатыр.

Жалпы аймақта жыл басынан бері жіті ішек инфекцияларының 176 жағдайы тіркелді. Өткен жылмен салыстырғанда бұл көрсеткіш 20 жағдайға өсіп отыр. Сальмонеллездің 66 жағдайы тіркелген.