Бүгін - бортсеріктер күні: Стюардесса болудың талаптары қандай?

12 шілде - халықаралық бортсерік күні. Бұл кәсіби мереке бортсеріктердің авиация саласында атқаратын маңызды рөлін атап өтуге және құрметтеуге арналған. Bugin.kz порталы "Осы сала маманы атану үшін қандай талаптар қойылады?" деген сұраққа жауап іздеп көрді.

Стюардтар мен стюардессалар, яғни бортсерік қызметкерлері - авиакомпанияның бет-бейнесі. Олар ұшақ бортындағы міндеттерді орындайды. Нақтырақ айтсақ, қауіпсіздік ережелерінің сақталуын қадағалайды, рейс алдында брифингтер өткізіп, қажет болған жағдайда алғашқы медициналық көмек көрсетеді. Сондай-ақ жолаушылардың жайлылығына жауап беру, тамақ пен сусындар ұсыну, борттағы қызметтерді көрсету, рейс кезінде ақпарат жеткізу де олардың міндеттеріне кіреді.

Сізге стюардесса болуға көмектесетін бірнеше қадамдар:

Талаптарды зерттеу

Авиакомпаниялар бортсеріктерге қоятын талаптар мен критерийлерін зерттеңіз. Бұл жас шектеулерін, білім беру талаптарын, тіл білу мен физикалық дайындығын қамтуы мүмкін.

Білім және дағдылар

Көп жағдайда университет дәрежесі талап етілмейді, бірақ жоғары біліміңіздің болғаны дұрыс. Сондай-ақ тұтынушыларға қызмет көрсету, қарым-қатынас және командалық жұмыс дағдылары пайдалы.

Сұхбатқа дайындық

Әуе компаниясы, оның құндылықтары, қауіпсіздік және тұтынушыларға қызмет көрсету туралы білу арқылы сұхбатқа әзірленіңіз. Мотивацияңыз, жұмыс істеу қабілетіңіз және адамдармен тіл табыса білуіңіз туралы сұрақтарға жауап беруге дайын болыңыз.

Медициналық тексеру

Бортсеріктердің авиацияда жұмыс істеуге физикалық дайындығына көз жеткізу үшін медициналық толық тексеруден өту қажет. 

Оқыту

Егер сіз стюардесса ретінде жұмысқа қабылдансаңыз, қауіпсіздік ережелерін, эвакуациялау тәртібін, алғашқы медициналық көмек көрсетуді, қызмет көрсетуді және жолаушылармен қарым-қатынасты білуді қамтитын арнайы оқуға жіберілесіз.

Талаптары

Стюардесса мамандығы коммуникативті дағдыларды, шыдамдылықты, күйзелістік жағдайларда жұмыс істей білуді және күтпеген жағдайға дайын болуды талап етеді. Бортсерік арнайы дайындықтан өтеді, оның ішінде қауіпсіздік ережелері, эвакуациялау тәртібі, алғашқы медициналық көмек көрсету бар.

Әр авиацияның бортсерік қабылдауда қоятын өз талаптары бар. Мәселен, қазақстандық танымал Air Astana компаниясында бұл қызметке қабылдану үшін қойылатын талаптар:

• Қазақ тілін білу;

• Ағылшын тілін еркін меңгеру;

• Қытай және түрік тілдерін білу қошталады;

• Қызмет көрсету саласында тәжірибеңіз болғаны жөн;

• Тартымды сыртқы келбет;

• Ерлер үшін бой өлшемі — кем дегенде 170 см, әйелдер үшін — кем дегенде 165 см;

• Жас жігіттер үшін әскери есепке алу құжатының болуы тиіс;

• Өтінім берген кезде түйіндемеңізге толық боймен түскен фотосуретіңіз қоса берілуі тиіс;

• Қазақстан Республикасының азаматы болуы тиіс.

Стюардессалар – аспан қаһармандары саналады, олардың еңбегі тану мен құрметке лайық. Бортсерік күнінде олардың қосқан үлесін атап өтіп, авиацияны бәріміз үшін қауіпсіз әрі ыңғайлы ететін бұл батыл мамандарға алғыс айтамыз.