Төлеби ауданында 14 жастағы қызды өгей әкесі 3 жылдан бері зорлап келген

Түркістан облысында 14 жастағы қыз өгей әкесінен жәбір көргенін айтты. Жасөспірімнің айтуынша, алғаш рет азғындық жасалғанда небәрі 11 жаста болған.

Осыдан кейін қыздың айтуынша, 49 жастағы ер адам оны қайта-қайта қорлаған. Интимдік фотолар мен видеоларымен қорқытқан.

"Ол егер мен оған бағынбасам, интернет арқылы фотолар мен бейнелерді интернетке жіберетінін айтты. Ол менің сіңлілеріме де көз салып жүргенін, оларды да ренжітетінін айтты", - деді қыз.

Кезекті жағдайдан кейін жасөспірім жұмыс істеуге шетелде жүрген әкесіне телефон соғады. Қыздың туыстары оны алып кеткеннен кейін ғана ол үш жыл бойы көрген сұмдығы туралы айтқан. Бұл ретте жеткіншектің туыстары болған оқиғадан анасының хабардар болғанын айтады. Бірақ ол полицияға арыз жазудан да бас тартыпты.

"Аптасына үш рет деген қалай бұл? Бұл құбыжық, бұл адам емес педофил. Оның өзі анасының хабардар екенін айтты, мұны анасы үш жыл бойы білген", - дейді қыздың нағашысы Сайора Әлімбекова.

Бұл ретте жасөспірімнің туыстары отбасында тағы төрт бала барын, оның үшеуі қыз екенін айтады. Отбасы полицияға арызданған. Ер адам қамауға алынды.

"Аталған факті бойынша полицейлер ҚР Қылмыстық кодексінің 120-бабы "Зорлау" бойынша тергеу жүргізіп жатыр. Күдікті ретінде Төлеби ауданының тұрғыны анықталып, уақытша ұстау абақтысына қамалды. Тергеу жүріп жатыр, тиісті сараптамалар тағайындалды", - деді Түркістан облысы ІІД Тергеу басқармасының аса маңызды істер бойынша аға тергеушісі Ақерке Шалхарова.

Қыздың туыстары тергеу ашық болып, ер адам қатаң жазаланады деп үміттеніп отыр. Егер оның кінәсі дәлелденсе, 15 жылдан 17 жылға дейін бас бостандығынан айырылуы мүмкін.