Қостанай облысында қылмыскер ауылдасын ұрып өлтірді

Қостанайда ауылдасын өлтіріп, қашып кеткен адам құрықталды.

Қылмыс Меңдіқара кентінде болған. Полицияға аудан орталығының тұрғыны қоңырау шалып, үйдің жанынан ер адамның мәйітін тапқанын хабарлады. Оқиға орнына жедел-тергеу тобы барып, қаза тапқан адамның денесінде зорлық-зомбылықтың белгілері бар екенін анықтады. Осы факті бойынша ҚР ҚК-нің 106-бабының 3-бөлігіне сәйкес сотқа дейінгі тергеу басталды.

Осы қылмысты жасады деген күдік бойынша жедел-іздестіру іс-шараларының нәтижесінде жергілікті тұрғын ұсталған. Күдікті қылмысын мойындап, ішімдік ішу кезіңде ер адамдар арасында жанжал болғанын айтты. Салдарынан күдікті жәбірленушіге бірнеше соққы жасап, өлтіріп қойған.