Ақтауда әйел екі кішкентай баласымен подъезд алдындағы бетонда түнеген

Ақтауда кішкентай балалары бар ана көпқабатты үйдің кіреберісіндегі бетон еденге түнеген.

Оқиға 16-17 шілде аралығында болған. Видео авторы көпқабатты үйдің кіреберісінде мас әйелдің бүлдіршін балаларымен жатқанын айтты. Оқиғаның куәгерлері полицияға жүгінген (өздерінің айтуынша, олар тәртіп сақшыларын ұзақ күткен), сонымен бірге олар тоңып қалмас үшін балаларды үйлеріне апармақ болған. Алайда балалар мұны қаламады. Бейнежазбаға қарағанда, ол кезде қамқор жандар балаларға жылы көрпе алып келген.

Маңғыстау облысының полиция департаменті оқиғаға қатысты түсініктеме берді. Ведомствоның мәліметінше, 16 шілде күні сағат 23:40 шамасында 102 кезекші пультіне 11-шағын аудандағы 33 үйдің жанында екі баласы бар әйелдің мас күйінде кетіп бара жатқаны туралы хабарлама түскен.

"Шақыру бойынша келген полиция қызметкерлері кәмелетке толмаған балалары бар әйелді тапты. Оның жеке басын анықтау барысында оның тұрғылықты жері жоқ екені белгілі болды. Балалар облыстық балалар ауруханасына жатқызылды. Әйелге қатысты ҚР ӘҚБтК-нің 440-бабы (Алкогольдік ішімдіктерді ішу немесе қоғамдық орындарға мас күйде келу) бойынша әкімшілік хаттама толтырылды", - деп хабарлады ведомстводан.

Полицейлер видеоға түсіп қалған әйелдің баспанасыз екенін растамады. Сондай-ақ олар қамқоршылық органдарының отбасына кейінірек көңіл бөлетіні туралы ақпарат беруге уәде берді.

Маңғыстау облыстық балалар ауруханасынан хабарлағандай, сәбилердің (2021 жылы туған қыз бала, 2019 жылы туған ұл бала) жағдайы қанағаттанарлық, алдағы 7-10 күнде олар дәрігерлердің бақылауында болады.

Айтпақшы, әлеуметтік желі қолданушылары екі баланың анасын айыптауға асықпайды, олардың пікірінше, әйел қиын өмірлік жағдайға түсіп, одан өз бетімен шығудың жолын таба алмаған.