Елімізде 600-ден астам террорист түрмеде жазасын өтеп жүр

Халықаралық ұйымдардың зерттеулеріне сәйкес, Қазақстан терроризм қаупі төмен елдер қатарында.

"Терроризм қаупі рейтингінде Қазақстан 135 ел ішінде 93-ші орында тұр. Ел индексі 0,901 құрады. Бұл көрсеткіш тәуекелдің өте төмен деңгейіне жатады. Алайда, 2016 жылы Қазақстан бірнеше рет террористердің шабуылына ұшырады және Қазақстан азаматтары үшін бұл үлкен сілкініс болды. Сонымен қатар, соңғы онжылдықтағы үрдіс ұйымдасқан қылмыстық топтардың исламшыл радикалды ұйымдармен өзара іс-қимылының өсуі болды. Бүгінгі таңда Қазақстанда 600-ден астам сотталушының терроризмге қатысы бар. Оның 98% өздерін "салафит"деп санайды. Сотталғандардың қалған 2-3 пайызы "Хизбут-Тахрир", "Кестги Жамағат", "Өмір. Сенім. Білім» "Қазақстанда заңмен тыйым салынған ұйымдар)", - делінген Мәдениет және спорт министрлігі жарияланған реттеушілік саясаттың консультативтік құжатында.

Бұл мәселенің шешімі ретінде ведомство психикалық тұрғыдан әлсіз санаттағы балалар арасында, оның ішінде спорт секцияларында діни экстремизмге қарсы ақпараттық-түсіндіру жұмыстарын үдете түсуді ұсынады.

"Діни экстремизм қоғамдық қауіпсіздікке үлкен қауіп төндіреді. Оған негізінен жастар қатысады. Спорт ұйымдарында жасы 7-ден 18 жасқа дейінгі құрама командалар үшін спорттық резерв дайындалып жатыр. Бұл жаста психика әлі де тұрақсыз және сырттан оңай әсер етеді. Сонымен қатар, балалар мен жасөспірімдер спортқа негізінен әлеуметтік осал топтардан келеді. Сондықтан, дене шынықтыру және спорт саласындағы уәкілетті органға, жергілікті атқарушы органдарға діни экстремизмнің ақпараттық-түсіндіру жұмыстарын және профилактикасын жүргізу, сондай-ақ аккредиттелген спорт федерацияларына діни экстремизмнің алдын алу жөнінде шаралар қабылдау аса маңызды", - деп мәсселенің шешімін көрсеткен министрлік.