"Бұрынғы жігітім әкем екеумізді ұрып-соқты": Алматылық бойжеткен өмірі үшін алаңдаулы

Алматы тұрғыны бұрынғы жігітінің ұрып-соғып, жәбірлегеніне шағымданды, оның айтуынша, ол арнайы қызметте жұмыс істеген.

"Мені бұрынғы жігітім ұрды, арыз жаздым, сосын әкемді ұрды, ол өзі жоғарыда отырған нағашыларымен жамылып жүр, бұл қызметкер туралы бәрі білсе екен деймін, бұл бірінші рет болып жатқан ұрып-соғу емес, мені жиі қорқытатындықтан көмек сұраймын", - деп жазған Тоғжан есімді бойжеткен Tengrinews.kz редакциясының WhatsApp нөміріне.
Бойжеткен оқиғаның мән-жайын айтып берді. Айтуынша, ол жігітпен жарты жыл кездескен. 

"Ол мені бүгінгі күнге дейін жеті рет ұрды, содан кейін мен оны тастап кеттім. Бірақ ол мені маньяк сияқты аңдуды бастады, ол мені жолда ұстап алып, ұрып-соғады, жұмысқа және үйге келеді. Осыған дейін мен одан қорқып, полицияға барған жоқпын. 16 маусым сағат 22:30-да Сайын-Асқаров автотұрағында мені тағы ұрды. Ол менің бетімнен ұрып, аяғымнан тепті, содан кейін мені пәтерге апарып, өз еркімнен тыс заңсыз ұстап, екі сағат бойы жібермеді. Мен өз өмірім үшін қорқамын!", - дейді жәбірленуші.
18 маусымда қыздың айтуынша, бұрынғы жігіті әкесін ұрып-соққан.

"Ол үнемі өз билігін пайдаланады, генерал және судья ағаларымен, жоғары лауазымды адамдармен шешемін деп қорқытады. Ол мені орналасқан жерім бойынша табады, хабарламаларымды оқиды, мені барлық жерден тауып алады", - дейді Тоғжан.

Кезекті соққыдан кейін бойжеткен полицияға арыз жазған.

Белгілі болғандай, Алматы қаласының әкімшілік сотында ҚР ӘҚБтК-нің 73-1 бабы "Денсаулыққа қасақана жеңіл зиян келтіру" бойынша бұл қызды соққыға жығу ісі қаралды. 3 шілдеде Алматы қаласының Әкімшілік құқық бұзушылық істер жөніндегі мамандандырылған ауданаралық сотының қаулысымен қыздың уақытша еңбекке жарамсыз болуына әкеліп соқтырған жеңіл дене жарақатын келтірген ер адамға 15 АЕК (51 750 теңге) көлемінде айыппұл салынды.