Ақтөбелік тұрғын күйеу баласы қызына қорлық көрсетіп, қорқытып отырғанын айтады

Ақтөбеде әйел бірнеше дене жарақаттарын алып, сірке суымен уланған. Жәбірленушінің жақындары оның күйеуін жазалауды талап етіп, әділдік ідейтінін айтады.

Мұны “Немолчи.kz” қорының басшысы Дина Тәңсәрі мәлімдеді. 

19 шілде күні ақтөбелік әйел сірке суымен уланып, дене жарақаттарын алуна байланысты ауруханаға түскен. Екі күннен кейін реанимациядан шығарылған. Алайда әлі күнге дейін медициналық сараптама жүргізілмеген. 

40 жастағы әйелдің анасы мәселені шешуді сұрайды. Айтуынша, күйеуі оны бетінен ұрып, сірке суын ішкізген. Сондай-ақ оның құзырлы органдарда таныстары бар әрі өзі де бұрынғы ІІМ қызметкері екенін, ол сол арқылы әйелді қорқытып отырғанын айтты.

Жұбайы жауап беру кезінде әйел "гематома мен денесіндегі көгерулерді өзі жасаған, сірке суын өзі ішкен" деп түсіндірген. 

“Жәбірленушінің туыстары ер адамға сенбейді. Медициналық сараптама мойын мен тамақтың тұсындағы зорлық-зомбылық іздерін көрсете алады, бірақ уақыт өтіп жатыр. Қазіргі таңда ер адам әйелге манипуляция жасап, оны қорқытып отыр. Жәбірленушіге кәсіби психологиялық көмек қажет”, – деді белсенді.

Әйелдің 2011 жылы сот-медициналық куәландыру актісі ұзақ мерзімді тұрақты түрде зорлық-зомбылыққа ұшырағанын растайды.

Дина Тәңсәрі Бас прокуратурадан мәселені зерттеуді сұрады.

“Осы факт бойынша қазіргі уақытта сотқа дейінгі тергеу басталды, оның шеңберінде тергеу әрекеттері жүргізілуде, сараптама тағайындалды, оның нәтижелері бойынша процестік шешім қабылданады”, – деп мәлімдеді Ақтөбе облыстық ПД.