Bugin
Желіде цифрлық даму, инновациялар және аэроғарыш өнеркәсібі министрі Бағдат Мусинді отставкаға жіберу туралы петиция пайда болды, деп хабарлайды Bugin.kz порталы Massaget.kz сайтына сілтеме жасап.
Петиция авторы - Тамирлан Мұратұлы.
"Цифрлық даму, инновациялар және аэроғарыш өнеркәсібі министрі Бағдат Мусин 02.09.2020 жылы тағайындалған болатын. 2023 жылы 11 шілдеде Бағдат Мусин Президент Қасым-Жомарт Тоқаевпен кездесуде интернеттің әлсіз болу себебі тарифтерге баға белгілеу екенін айтқан, оның сөзінше, "Екінші проблема - Тарифтердің арзандығы және біздің пайдаланушылар интернетте көп отыруы".
"Оның сөзінен кейін қазақстандық ұялы байланыс операторлары бірінен кейін бірі тариф бағасын көтеріп тастады, ал интернет сапасы бұрынғы күйінде қалды", - дейді петиция авторы.
Тамирлан Мұратұлы петицияны көптеген қазақстандық қолдайды деп есептейтінін айтады.
"Себебі ол интернет қызметтерінің бағасын ұстап тұра алмайды, керісінше оларды көтерудің жолдарын табады", - дейді петиция авторы.
Петицияға 6 мыңнан аса адам қол қойған. 6009 адам петицияны қолдаса, 257 адам қарсы шыққан. Қол қоюшылар саны уақыт өткен сайын көбейіп жатыр.
Мәулен Жексенбі
Қосымшаны жүктеп алыңыз
