Адамдар терезеден секіріп жатыр: Тұрғын үйден өрт шықты

Алматыда 16 қабатты үйдегі пәтер өртеніп жатыр. 

Өрттің видеосы әлеуметтік желідегі парақшаларда тарады.

"Ақкент" ықшам ауданында өрт шықты. Адамдар терезеден секіріп аман қалуға бекініп жатыр дейді видео авторы", - делінген тағы бір жазбада.

Алматының төтенше жағдайлар департаментінің хабарлауынша, бүгін, 1 тамызда сағат 17:10-да төтенше жағдайлар департаментінің күштері мен құралдары Алатау ауданындағы Ақкент шағын ауданы, 54 мекенжайына жіберілді.

"Оқиға орнына 6 минутта жетіп, 16 қабатты тұрғын үйдің 5-қабатындағы пәтер өртеніп жатқаны анықталды. Оқиға орнында 5-6-қабатта лифт шахтасында электр сымдары өртеніп жатыр", - деп хабарлады департамент.