Bugin

Мешіт пен имамдарға бюджеттен қаржы бөлініп жатыр ма?

Авторларды қолдау орталығы

mediabugin@gmail.com

Еліміздегі мешіттерді күтіп ұстауға мемлекет тарапынан қаражат бөлінбейді.

Ақпарат және қоғамдық даму министрлігінің мәліметінше, Қазақстан Републикасы Конституциясының 1-бабының 1-тармағына сәйкес Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтыратындығы көрсетілген. 

“Сондай-ақ, қолданыстағы "Діни қызмет және діни бірлестіктер туралы" Заңының (әрі қарай - Заң) 3-бабында мемлекет дін мен діни бірлестіктерден бөлінген және ешбiр дiн мемлекеттік немесе міндетті дін ретінде белгіленбейді. Осы орайда, діни қызметшілердің жалақысы мемлекет тарапынан тағайындалмайтындығын мәлімдейміз. Бұған қоса, жоғарыда баяндалған заңнама талаптарына сәйкес, еліміздегі мешіттерді күтіп ұстауға мемлекет тарапынан қаражат бөлінбейді", - делінген министрліктің агенттіктің ресми сауалына берген жауабында.