"Sana Business Forum": 50-ден астам сарапшының басын қосатын форум өтеді

«Sana Business Forum» білікті де белсенді қаржыгерлер, экономистер және кәсіпкерлердің басын біріктіре отырып, экономика, бизнес және қаржы салаларында тәжірибе алмасуға және өзекті мәселелердің шешімін табуға септігін тигізетін кәсіби платформа.

Форумның басты мақсаты Үкімет, бизнес және ғылым арасында байланыс орната отырып, ел экономикасының даму мәселелері, сын-қатерлері және мүмкіндіктерін талқылау.

Бизнес форумға 50-ден аса сарапшы мен қонақ шақырылып, 300-ден астам қатысушы келеді деп күтілуде.

«Sana Business Forum» спикерлерінің қатарынан сіздер ұлттық экономика министрлігінен және ауыл шаруашылық министрлігінін өкілдерін, экономист Құлекеев Жақсыбек Әбдрахметұлын, экономист Мақсат Халықты, «Атамекен» ҚР ҰКП Төралқа төрағасы- Райымбек Баталов Әнуарұлын, Сентрас Иншуранс сақтандыру компаниясының персонал жөніндегі директоры, персонал жөніндегі менеджерлер қауымдастығының мүшесі Айгүл Қуатқызын, Trade Help бизнес консультанты, Халықаралық HR клубының мүшесі  Егембердиева Аиданы, кәсіпкерлерден Golden Bridge Partners серіктесінің негізін қалаушы және директоры Jańa Post компаниясының негізін қалаушы Болатбек Дәлелханұлын, «QAZHEALTH TRADE» ЖШС директоры Айтуған Мұқашевты, SONA lab, Med Progress, Nomad Goldman Logistics, Acvee Finance компанияларының негізін қалаушы Аслан Назаралиевті, кәсіпкерлер Майгарина Гульбану мен Бахтияр Өсербекұлын, «Lactomarin», «Lamifaren» және тағы басқа тауар белгілерімен танылған компаниялардың негізін қалаушы Әділбек Тұрғынбайды,  EASYTAP жобасының негізін қалаушысы Мағзұм Төлешті, Mercury Properties компаниясының стратегиясы мен бизнесті дамыту жөніндегі директоры Әмірхан Омаровты, Америкалық AES корпорациясының Арлингтондағы бас кеңсесінде робототехника мен дрондар жөніндегі бағдарламаның жаһандық жетекшісі Әсел Аяпованы, ҚР Президентінің жанындағы ҚР Ұлттық ғылым академиясының  ғылым департаментінің директоры, PhD докторы   Нұрлыбаев Руслан Ерғалиұлын және басқа да іскер азаматтарды көре аласыздар. Бұдан бөлек 50-ге жуық ел арасында тынылып жүрген зиялы азаматтар, ғалымдар, кәсіпкерлер, экономистер, сарапшылар қонақ ретінде қатысады.

Форумның бағдарламасы III панельдік сессиядан тұрады. Панельдік сессияларда шағын және орта бизнесті масштабтау, мықты команда құру және кәсіптегі иновациялар тақырыптары аясында баяндамалар оқылып, пікірлер талқыға салынады.

Понельдік сессия тақырыптары мен жүргізушілері:

• Шағын және орта бизнес дамуы: экспорттау және масштабтау мүмкіндіктері (модератор Ерболат Мұхамеджан);
• Мықты команда құру: Бизнестегі тиімділік және нәтижелілік (модератор Ескендір Бестай);
• Инновациялар және Data Science: Кәсіптің жаңа тыныстары (модератор Айбар Олжай).

Форумға еліміздің белгілі БАҚ өкілдері қатыспақ. Сонымен қатар Youtube желісі арқылы тікелей эфир жүргізу жоспарлануда.

Іс-шара толықтай мемлекеттік тілде өтеді.

Форумның өтетін күні: 15.08.2023ж.  

Тіркеу: 08:00 

Басталуы: 09:00

Мекен-жай: Алматы қ., Желтоқсан 181, InterContinental Almaty қонақ үйі.