Кішкентай баланың ойынынан от шықты

10 тамызда Алматы облысының Өтеген батыр ауылында көппәтерлі тұрғын үйдің дәретханасында қоқыс шелегі жанып, пәтер мен кіреберіс қатты түтіндеді.

Төтенше жағдайлар министрлігі баспасөз қызметінің мәліметінше, өрт шығуына баланың отпен ойнауы себеп болған.

Өрт сөндірушілер есікті бұзып, пәтерге кіріп, құтқару қалпақшасының көмегімен балконда тұрған 2015 жылы туылған қызды эвакуациялады.

Өртті сөндіруге және адамдарды эвакуациялауға 19 адам және 5 техника жұмылдырылды.