Түркияда бір минутта екі рет жер сілкінді

Түркияның Малатия аймағында бірінен соң бірі екі жер сілкінісі болды.

Апаттар мен төтенше жағдайларды басқару министрлігінің (AFAD) сайтындағы ақпаратқа қарағанда Малатияның Йешилурт ауданында бүгін, 12 тамыз сағат 16.39-да 4,8 балдық жер сілкінісі тіркелген.

Жерасты дүмпуі 6,35 шақырымдай тереңдікте болды.

Бір минуттан кейін жер сілкінісі тағы қайталанды.

Алғашқы жер асты дүмпуінен кейін шамамен бір минут өткенде Йешилюрт ауданында тағы 4,5 балдық жер сілкінісі тіркелді.

Екінші зілзала 7 шақырымдай тереңдікте болды.