Bugin
13 тамыз күні таңертең Қостанайда өтіп бара жатқандар орталық алаңда болған оқиғаның куәсі болды.
Облыс әкімдігінің алдындағы алаңда доңғалақтары тесілген ақ түсті Lada Priora тұрған, оған полицейлер оқ атса керек. Оң жақ артқы доңғалақтың жанында шырын мен коньяк құйылған бөтелке тұрған. Көліктің айналасында үш патрульдік көлік пен он шақты полиция қызметкері болған. Көліктің мемлекеттік нөмірі жоқ.
Қостанай облысы полиция департаментінің баспасөз қызметі оқиғаға қатысты түсінік берді.
"Сағат 06:00 шамасында әл-Фараби даңғылы мен Баймағамбетов көшесінің қиылысында Lada Priora маркалы автокөлігін мінген жүргізуші теміржол вокзалы жақтан келе жатып, гүлзарларды бүлдіріп, аудандағы алаңға қарай бет алған. Қазіргі уақытта тергеу амалдары жүргізіліп жатыр", - деп хабарлады ведомство.
Баспасөз қызметі жүргізуші ҚР ӘҚБтК-нің 608-бабының 1-бөлігі "Көлік құралын мас күйінде басқару" бойынша әкімшілік жауапкершілікке тартылғанын мәлімдеді. Ол 15 тәулікке әкімшілік қамауға алынады.
Альфия Адамбек
Қосымшаны жүктеп алыңыз
