Түркістан облысында жантүршігерлік жол апаты болды

Түркістан облысында жол апатынан 4 адам қаза тапты.

18 тамызда сағат 23:30 шамасында Бәйдібек аудандық ПБ-нің 102 арнасына жол-көлік оқиғасы туралы хабарлама келіп түсті.

Облыстық маңызы бар Шаян-Екпінді тасжолы бойында Nissan көлігі қарама-қарсы жол бөлігіне шығып кетіп, өз жолымен келе жатқан Mercedes-Benz 200 автокөлігіне соқтығысқаны анықталды.

Mercedes өртеніп, ішінде болған үш жолаушы мен жүргізуші оқиға орнында қаза тапты. Алдын ала мәліметтер бойынша, Nissan автокөлігі қарсы бағытқа шығып кеткен.

ҚР Қылмыстық кодексінің 345-бабы 4-бөлігімен бойынша СДТБТ-ға тіркелді. Тиісті сот-сараптамалары тағайындалды. Кінәлі жүргізуші УҰА қамауға алынды.

Еске салайық, бүгін Балқашта жол апаты орын алып, сегіз адам қаза тапқанын жазған едік.