Алматыда тағы өрт шықты

Алматыда "барахолка" базарында тағы контейнерлер өртенді, деп хабарлайды Bugin.kz порталы ҚазАқпарат сайтына сілтеме жасап.

Оқиғаның видеосы желіге шықты.

Алматы қалалық ТЖД мәліметі бойынша 26 тамыз сағат 08:37-де өрт сөндірілді. Өрт сөндірушілер Жетісу ауданы, "Алмалы" базарындағы жанып жатқан контейнерлердегі өртті сөндірді. Өртенген аумақ 80 шаршы метр болды.

"Қабылданған шаралардың арқасында өрттің жақын маңдағы тауарлық-материалдық құндылықтары бар сауда қатарларына таралуына жол берілген жоқ. Құрбандар мен зардап шеккендер болған жоқ", - деп хабарлады қалалық ТЖД баспасөз қызметі.

Полиция қызметкерлері өрт болған жерді жедел қоршауға алды.

Еске салайық, Алматыда ресейлік азаматтардың қазақстандықтарды сектаға тартқаны туралы хабарлаған едік.