Қарағанды облысында жантүршігерлік жол апатынан 3 адам мерт болды

Қарағанды облысында жол апатынан 3 адам қаза тапты, деп хабарлайды Bugin.kz порталы ҚР ІІМ баспасөз қызметіне сілтеме жасап.

Оқиға 27 тамыз күні кешкі сағат 18:30 шамасында болған. "Қарағанды - Аягөз - Бұғаз" тасжолында, Қарқаралы қаласынан 20 шақырым жерде Mercedes-Benz автокөлігінің 35 жастағы жүргізушісі, көліктің басқаруына ие бола алмай қалып, жолдың қарсы бағытына шығып кеткен. Сосын 45 жастағы азаматтың басқаруындағы Toyota Land Cruiser 100 автокөлігімен соқтығысқан.

Апат салдарынан Mercedes-Benz көлігінің жүргізушісі мен екі жолаушысы қаза болды. Ал Toyota Land Cruiser 100-дің жүргізушісі мен екі жолаушысы ауруханаға жеткізілді.

Тиісті сараптамалар тағайындалып, тергеу әрекеттері жүргізіліп жатыр.

"Анама көмектесіңіздерші": Қарағандыда анасын ұлының көзінше қарақшы ұрып тастады