Ток соққан 9 жасар қыздың ата-анасы Тоқаевқа видеоүндеу жолдады

Қостанай облысы Ұзынкөл ауданында көбік кешінде тоғыз жасар қызды ток соғып, ауруханаға түсті. Жағдайы ауырлаған қыздыңың ата-анасы президенті Қасым-Жомарт Тоқаевқа видео үндеу жолдап көмек сұрады, деп хабарлайды Bugin.kz порталы Stan.kz ақпарат агенттігі сілтеме жасап.

Қыздың ата-анасы қазір шұғыл түрде білікті медициналық көмек қажет екенін айтып мемлекет басшысынан көмек сұрады.

"Біз Қазақстан президенті Қасым-Жомарт Тоқаевқа, сондай-ақ Денсаулық сақтау министрлігіне Қостанайға білікті дәрігерлерді – Астана, Алматы, Қарағанды, Шымкенттен нейрохирургтерді жіберуге өтініш білдіргіміз келеді. Қызымыз ауруханада жатыр. Төртінші күні ауыр халде. Баланы Астанаға жеткізу үшін жағдайы өте ауыр. Сондықтан сізден көмек сұраймыз", - деп сұрады жәбірленушінің әкесі Сағандық Жәкенов.

Үндеуден соң ҚР Денсаулық сақтау министрлігі Қостанай облысындағы көбік кешінде тоқ соққан қыздың ата-анасына жауап берді.

"ҚР Денсаулық сақтау министрлігі балаға медициналық көмек көрсетуді ұйымдастыру мәселелері бойынша жарақатты, баланың жағдайын, ескере отырып, Қостанай облысының облыстық балалар ауруханасы мамандандырылған медициналық көмектің қажетті көлемінің жеткізілгенін хабарлайды. Телемедициналық консультацияларды КФ Ана мен бала ұлттық ғылыми орталығы университетінің медициналық орталығының мамандары күн сайын жүргізеді. Жағдайының ауырлығына және тасымалдауға қарсы көрсетілімдерге байланысты интенсивті терапия тактикасы келісілді, емдеуді орнында жалғастыру бойынша ұсыныстар берілді", - деді Денсаулық сақтау министрлігі.