Ақтауда спортшының өліміне қатысты тың мәліметтер шықты

Адвокат Ажар Әбділ ақтаулық спортшы Валерия Шалнованың өліміне қатысты тың мәліметтерді жариялады, деп хабарлайды  Bugin.kz порталы Ulysmedia.kz сайтына сілтеме жасап.

Адвокаттың қолында адам өлтіру оқиғасы болған шілденің 1-нен 2-сіне қараған түні түсірілген бейнекамераның жазбасы болған.

Естеріңізге сала кетейік, 21 жастағы Валерия Шалнованың мәйіті МАЭК су алатын каналдың маңынан табылған болатын. Полиция бұл істі алдымен "өз-өзіне қол салуға итермелеу" (ҚР ҚК 105-бабы) бойынша тергей бастады. Кейін бұл іс "қауіпті жағдайда қалдыру" санатына ауыстырылды. Артынша құқық қорғау органдары істі қайта саралап, қазір іа кісі өлтіру (ҚР ҚК 99-бабы) бойынша тергеліп жатыр.

Марқұмның әпкесі Каролина Шалнова сіңлісінің өлімі әділетті тергелмей қала ма деп қорқады.