Рудныйда қарт әйел 3,5 млн теңгесінен айырылып қала жаздады

Қостанай облысындағы Рудный қаласында қарт әйел 3,5 млн теңгесінен айырылып қала жаздады, деп хабарлайды  Bugin.kz порталы ҚазАқпарат сайтына сілтеме жасап.

Учаскелік полицейлер инспекторлары Бекзат Иманбаев пен Исламбек Бағдат банкте болғанда қарт әйелдің қобалжып, күдіктеніп тұрғанын байқайды.

"Тұрғын бізге таксиге тапсырыс беруді сұрады, ал ол сол уақытта біреумен телефонмен сөйлесіп тұрды. Телефондағы дауыс белгілі бір мекен-жайға барып, онда шотқа ақша салуы керек екенін айтты. Біз мұның не екенін бірден түсіндік. Біз қарт кісіні тыныштандырып, алаяқтардың нөмірін бұғаттадық. Алайда бұл оларды тоқтатпай, басқа нөмірлерден тағы бірнеше рет қоңырау шалды. Кейін біз банкке оралып, ақшаны шотқа салып, тұрғынды үйге апардық", – дейді учаскелік полицейлер.