Сердар Бердімұхамедов Түрікменстан Қаһарманы атағына ие болды

Түрікменстан президенті Сердар Бердімұхамедов Түрікменстан Қаһарманы атағын иеленеді, деп хабарлайды Bugin.kz порталы Туркменистан сегодня агенттігіне сілтеме жасап.

"Құжат бойынша, түрікмен басшысына марапат ұлттық тәуелсіздік принциптерін және Түрікменстанның бейтараптығын нығайтуға қосқан үлесі, мемлекет пен қоғам алдындағы айтулы еңбегі, инновациялық бастамалары үшін берілді", - деді мәжіліс жетекшісі Дуньягозель Гульманова.

Аталмыш атақ мемлекет пен Түрікменстан халқына айрықша еңбегі сіңген азаматтарға беріледі.