Алматыда қыз өзін белгісіз жігіт аңдып, азғындағанын айтты

Алматыда қызды бейтаныс жігіт аңдып, оған шабуылдаған, деп хабарлайды Bugin.kz порталы stan.kz агенттігіне сілтеме жасап.

Оқиға 31 шілдеде алматылық қыз кешке жұмысынан үйіне қайтқан кезде болған.

"Бұл жігіт артымнан еріп, подъездге кірген. Есікке кілтті салғанымда, ол артымнан келіп, аузымды жапты, содан кейін азғындап, кеудемді ұстай бастады. Бұдан әрі тиіспесін деп еденге отырып алдым, оның қолын алып тастағым келді. Үйдегілер естісін деп есікті ұра бастадым”, – деді қыз.

Айтуынша, содан кейін жігіт қашып кеткен. Қыз жағдайды анасына айтып берген. Полиция саусақ іздерін алған. Үйдің подъездінде бақылау камералары бар екен.

“Жігіт 2 тамызда ұсталған. Ісім екі ай бойы қаралып, 22 қыркүйекте жабылды. Мен бұл іске кіріспедім, ал тергеуші мені және анамды мүлдем елемеді. Енді өзімнен басқа біреудің мұндай жағдайға тап болғанын және одан жапа шеккенін қаламаймын", – деп жазды қыз.