Қазақстанда қай облыстың тұрғындары алаяқтарға жиі алданады?

Бас прокуратураның құқықтық статистика және арнайы есепке алу комитеті алаяқтарға жиі алданып қалатын облыстардың тізімін жариялады, деп хабарлайды Bugin.kz порталы  Sputnik Қазақстан сайтына сілтеме жасап.

Ресми мәліметке сәйкес, биыл 9 айдың қорытындысы бойынша алаяқтықтың төмендегені байқалады. Осы қылмыстың саны жағынан Алматы қаласы бірінші орында тұр. Одан кейінгі орындарда – Астана мен Қарағанды облысы.

Алаяқтық көп жасалған аймақтар:

Алматы қаласы - 6742,

Астана қаласы - 5358,

Қарағанды облысы - 2590,

Шымкент қаласы - 1921,

Алматы – 1836,

Ақтөбе -1334,

Атырау -1319,

Қостанай -1311,

Павлодар -1244,

Шығыс Қазақстан облысы -1243.

Алаяқтық әрекеттердің салдарынан 34 623 адам зардап шеккен. Олардың басым бөлігі әйелдер – 19 020 адам. Алданғандардың ішінде кәмелетке толмаған балалар (102), колледж бен жоғарғы оқу орындарының студенттері (291), зейнеткерлер (1714) мен мүгедектер (8) бар.