Жаңақорғанда мереке күні 50 отбасы баспаналы болды

Сыр өңірінде республика күні жаңақорғандық 50 отбасы баспаналы болды, деп хабарлайды Bugin.kz порталы turkystan.kz 24.kz сайтына сілтеме жасап.

Ал Қармақшы ауданында құс фабрикасы іске қосылды. Сонымен бірге Қарауылтөбе ауылында мәдени клуб пайдалануға берілді. 

"Мереке күні 21 жайлы мектептің алғашқысының іргетасы қаланды. Сырдарияның сол жағалауында орналасқан нысанда 900 бала білім алады. Сондай-ақ жаңа жылу электр орталығының да құрылысы басталды. Жылына 240 мегаватт электр энергиясын өндіретін кәсіпорын аймақты жылумен қатар толық тоқ көзімен қамти алады. 

Соңғы 2 жылда осы мереке қайтадан республикада тойланып жатыр. Әрине бұл өте әділ шешім болды. Сыртқы-ішкі саясатта жасалып жатқан үлкен шешімдердің артында ел, халықтың мүддесі тұр. Сондықтан мереке барлығыңызға құтты болсын", - деді ҚР Парламенті Сенатының депутаты Ақмарал Әлназарова.

Мерекелік шаралар легі салтанатты жиында қорытындыланып, өңірдің дамуына үлес қосқан азаматтар марапат төрінен көрінді.