Балаларға Ұлттық қордан алғашқы төлемдер қашан берілетіні белгілі болды

2024 жылы кәмелеттік жасқа толған қазақстандықтар "Ұлттық қор - балаларға" жобасы бойынша төлемдерді 1 ақпаннан кейін алады, деп хабарлайды Bugin.kz порталы.

ОҚК-да өткен брифингте ҚР Қаржы вице-министрі Дәурен Темірбеков алғашқы төлемдер қашан жасалатынын айтты.

"Алғашқы есептеулер 2024 жылдың 1 ақпанында түседі. Неге? Бағдарлама 2024 жылдың 1 қаңтарында басталады, содан кейін бір балаға шаққандағы соманы анықтау үшін есептеулер жүргізуге бір ай қажет болады. Бұл қарапайым арифметика - 18 жыл ішінде инвестициялық кірістің 50 пайызы қатысушылардың санына бөлінеді - 18 жасқа дейінгі балалар. Бұл бір балаға шаққандағы соманы анықтайды және бұл есептеу келесі жылдың 1 ақпанында жүргізіледі.

1 ақпаннан кейін 18 жасқа толғандар ақшаны алу үшін платформа арқылы өтініш беруге құқылы", - деп түсіндірді Темірбеков.