Ақтау-Жаңаөзен тас жолында жантүршігерлік жол апаты болды

26 қазанда Ақтау-Жаңаөзен тас жолының 43-шақырымында жол апаты болды, деп хабарлайды Bugin.kz порталы Zakon.kz сайтына сілтеме жасап.

 Жолда төрт маркалы көлік: КамАЗ, Volkswagen Sharan, Lada және "ГАЗ 330253" соқтығысты.

Төрт көліктің соқтығысуы салдарынан бір адам қаза тапты.

"Жол апаты салдарынан Lada көлігіндегі 49 жастағы жолаушы алған жарақаттарынан оқиға орнында көз жұмды, зардап шеккен төрт адам облыстық ауруханаға жеткізілді"- дейді Маңғыстау облыстық полиция департаментінің баспасөз қызметі.