Дауыл салдарынан 27 адам қаза тапты

Мексиканың оңтүстік-батыс жағалауын соққан" Отис " дауылы 27 адамның өмірін қиды, деп хабарлайды  Bugin.kz  порталы astanatv.kz арнасына сілтеме жасап.

Мексиканың оңтүстік-батыс жағалауын соққан бесінші санаттағы "Отис" дауылы кем дегенде 27 адамның өліміне себеп болды, төртеуі хабар-ошарсыз кетті деп саналады.

Жергілікті бұқаралық ақпарат құралдары Герреро штатында үлкен қирау мен көшкіннің түсуі туралы хабарлады, бұл жолдардың бір бөлігін жауып тастады.

Соның ішінде танымал қала-Акапулько курорты зардап шекті.

Метеорологтар "Отис" дауылы рекордтық уақытта орташа деңгейден ең күшті дауылдардың біріне айналғанын атап өтті. Желдің жылдамдығы сағатына 330 км-ге жетті.

Дауыл Мексиканың Тынық мұхиты жағалауындағы жер сілкінісі туралы ерте ескерту жүйесін бұзды деп хабарланды.