Елімізде пәтер құны арзандады

Қазақстанда тұрғын үйді жалға беру бағасы арзандап жатыр. Қазан айында орташа көрсеткіштер қыркүйекпен салыстырғанда 2,2 пайызға төмендеді, деп хабарлайды bugin.kz тілшісі Tengrinews.kz сайтына сілтеме жасап.

Krisha.kz сайтында жүргізілген мониторинг бойынша, 3 қаланың 8-інде ұзақ мерзімге жалға берілетін пәтерлердің бағасы арзандаған. Қазан айындағы бағаның арзандауы жаз басынан бері алғаш рет тіркелді. Негізгі бағаның шарықтауы шілде-тамыз айларында тіркелген. Жаздың соңында ай сайынғы жалға алу бағасы 4-7 пайызға өсті.

Қазір пәтер жалдау нарығы арзандады:

Ақтөбеде – 7 пайызға;

Петропавлда – 6 пайызға;

Ақтау, Қостанай және Көкшетау қалаларында – әрқайсысына 5 пайыздан;

Алматы мен Қарағандыда – 4 пайыздан;

Астанада – 1 пайызға.

Бұл ретте Павлодар, Орал, Өскемен қалаларында баға шамалы қымбаттады.

Алматыдағы ең қымбат баспана шаршы метрі – орташа есеппен 6 мың теңге. Ең арзаны Ақтауда, шаршы метрі – орташа есеппен 2632 теңге.