Қазақстан әскері Израиль аумағына жіберілетіні рас па?

Қазақстан әскерлері бітімгершілік мақсатында Голан жоталарына жіберілуі мүмкін, деп хабарлайды Bugin.kz порталы stan.kz сайтына сілтеме жасап.

Голан жоталары – Таяу Шығыстағы аумақ, оның көп бөлігін Израиль, ал қалғанын Сирия бақылайды. Осы аймаққа Қазақстандық әскерін жіберу жоспарлануда.

Мұны мәжіліс аясында қорғаныс министрі Руслан Жақсылықов айтты.

"Бізде қазірдің өзінде уағдаластықтар бар. Голан жоталарында бітімгершілік миссиясын өткізу мәселесін пысықтап жатырмыз. Бізде әзірге басқа мәселелер жоқ", – деді Жақсылықов.

Голан биігі туралы заңды 1981 жылы 14 желтоқсанда Кнессет (Израильдің бір палаталы заң шығарушы органы) ратификациялады.