Қостанай облысында полицей әйелін пышақтап өлтірді

Қостанай облысының Қостанай ауданында полицей әйелін пышақтап өлтірді, деп хабарлайды Bugin.kz порталы Sputnik Қазақстан сайтына сілтеме жасап.

Полиция департаменті ұсынған ақпаратқа сәйкес, полицияда жұмыс істейтін әйелдің мәйіті 1 қараша күні екеуі тұрған үйдің ауласынан табылған.

Соңғы кезде полицей ерлі-зайыптының қарым-қатынасы нашарлап, некені бұзамыз деп жүрген.

Қазіргі кезде Қылмыстық кодекстің 99-бабы (Адам өлтіру) бойынша сотқа дейінгі тергеу басталды. Осы қылмысқа қатысы бар деген күдікпен 25 жастағы ер адам ұсталды.

Сот-медициналық сараптама тағайындалды. Тергеушілер оқиғаның мән-жайын анықтап жатыр. Екі бала анасынан айырылды.

Ішкі істер министрлігі қылмыстық істі тергеу шараларын бақылауға алды.